当前位置:首页> 药品推荐 >广州有个饭店老板好任性,水鱼、生鸡、3斤大鱼任选两样都系只要78蚊,抵食到离咗个五线谱!

广州有个饭店老板好任性,水鱼、生鸡、3斤大鱼任选两样都系只要78蚊,抵食到离咗个五线谱!

2021-06-18 06:25:05

临近年尾,我发现係广州想揾间平靓正嘅酒家真係好难。即使有都离我好远,不过最近听D朋友仔讲,係东圃有有一间平靓正餐厅,唔单止有78蚊一只2.5斤鸡、一条斤几重水鱼,仲有2款3斤大鱼拣4选2都要只要78蚊。哇,咁抵!真係平过买底衫裤啊!

相信好多人都会问我呢间嘢係边到?其实佢就係东圃二马路嘅——六小福。呢到离地铁站仲好近,係东圃地铁站B出嚟向前走大概200米就到啦!呢到装修得好阔络,而且仲又好干净企理。餐台之间嘅空隙好宽,坐起身唔会人撞人,而且仲有2楼用餐区,以及宽敞舒适嘅房间,用餐环境正爆啦。

其实讲到六小福,相信好多人都好似听过佢个名!因为六小福嘅猪杂粥係广州好出名,而且呢到嘅水库大鱼嘅质量可谓係人食过都会赞,要数佢嘅鱼同猪杂粥係全广州NO.1都唔为过。

好啦!讲翻正题。话咗嚟食平靓正嘅嘢,点可以唔落单点呢到最抵食嘅78蚊套餐呢!服务员,落单!!

78蚊任拣2鸡/水鱼/水库大头鱼/水库瘦身鲩鱼

六小福嘅鸡,全部都係新鲜鸡即点即劏活鸡有成2斤半咁重嘎!睇起身好鬼大只,肉质摸上去就好结实,肌肉光鲜,有弹性,睇得出好新鲜!

而水鱼就係野生嘅,都有斤半咁重嘎。睇下条水鱼嘅四肢咁粗壮,而且壳背咁有光泽,食起身肯定好好味啦!

仲有呢个水库鲩鱼,一条就已经有成3斤几重,上台果阵师傅已经帮你切片上,打边炉嘅时候滚两滚就即刻可以食,好方便。

仲有仲有,呢个水库大头鱼同样有3斤几重,起片落锅,係汤底到滚佢两滚,D鱼嘅味道瞬间出晒嚟,食落口更加係嫩滑无比

组合好2款之后,就可以打边炉啦!呢度嘅汤底有猪筒骨汤底擂米粥水汤底泉水准杞汤底以及麻辣窝底四种选择,20蚊就有得成交。

我哋就拣咗个猪筒骨汤底,用大大嘅猪筒骨熬出嚟嘅汤,味道好醇厚,有埋红枣、杞子等药材,加热之后闻到阵阵药膳香味,食欲大增!

鸡肉煮熟之后,小伙伴都已经俾D味道吸引,忍唔住要拿起筷子啦!鸡肉味道好鸡味好香,而且肉质真係好有弹性,一D都唔肥腻

鱼肉煮熟之后入口真係好滑嫩!简直唔使咬,几乎入口即化,嗰种鲜甜嘅感觉係其他鱼肉无法比拟嘅!

如果嫌打边炉太斋?!咁你就要试试呢到嘅桑拿食法拉!只要加多十蚊你就可以有呢个好玩又新奇嘅美食体验。

呢种食法嘅基本汤底同套餐汤底一样係四选一,但係就係炉具上边唔同咗。係火锅炉面放上隔层,用汤底沸腾果阵嘅蒸汽嚟蒸熟材料,食起身嘅感觉同一般嘅大边炉感觉好唔同。而且係上边蒸过嘅食材,D汁会顺住蒸板嘅隆隆留晒落下面D汤到,咁养係食火锅果阵,D汤就唔止係德原有嘅味道

调过味嘅水鱼同鲩鱼係浓汤汤底嘅蒸汽“加持”下,鱼肉吸收咗汤嘅精华,食起身特别鲜嫩多汁。鱼唔会因为係汤底滚太耐而散架,淡淡肉食起身好有口感。

而滋味嘅水鱼更加因为咁样而味道更加鲜甜,鲜嫩,爽口,弹牙,绝对係我食落口嘅第一感觉。

新鲜猪杂粥

嚟到六小福又点可以唔食呢度嘅招牌——猪杂粥。新鲜嘅猪杂煮起粥嚟特别鲜嫩,粥水同猪杂相互吸收其精华后,越食越有味道。

优惠信息

1、即日起,转发本微信到朋友圈,到店消费出示即送精美点心一份!

2、即日起,凡打电话订座者,到点消费即送精美点心一份!


小编总结

等咗甘耐,终于係屋企附近都有78蚊就食到撑嘅套餐啦,以后唔使再因为要揾咩食而伤脑筋啦!睇嚟下次亲戚探访,朋友聚会都係嚟呢到最啱啦。以后阿妈唔使再咁辛苦煮饭啦!



六小福猪杂粥(东圃店)

地址:广州市天河区东圃镇东圃二马路69号15-18铺(近地铁站)

电话:18998364087

营业时间:每天 11: 00 -- 23:00



六小福猪杂粥(龙洞店)

地址:广州市天河区龙洞迎龙路169号D1铺(恒安口腔中心对面)

电话:020-61098790

营业时间:每天17:00--凌晨3:00

交通:迎龙路站,再往森林公园方向前行300米,广州恒安口腔中心正对面



六小福猪杂粥(金沙洲店)

地址:广州市白云区沙贝大街206号金沙洲1楼

电话:020-81010783

营业时间按:每天17:00--凌晨3:00

交通:地铁沙贝站转公交653环到沙凤一路站后步行631米